GULLIT

Non vos esaxero se digo que o protagonista de hoxe é un dos primeiros futbolistas dos que teño un recordo bastante lúcido. No por xogo xa que xogando naquel AC Milan que lle meteu 5 o Madrid no 89 eu aínda tiña 2 anos. Senon polo seu inconfundible look, formado por un profuso bigote e unhas longas 'rastas'. Sí. É Ruud Gullit.

¿Quén era?: Un futbolista holandés dos 80 e os 90.

¿Por qué se lle recorda?: Ademáis do que vos acabo de contar, por formar parte do máis parecido que houbo a Laranxa Mecánica de Cruyff no 74: a selección holandesa que en 1988 gañou a Eurocopa de Alemaña, que levantou Gullit.

¿Qué foi del?: Retirouse no 1998 nas filas do Chelsea, se ben xa levaba dous anos como entrenador-xogador. Tras a sua experiencia no banquiño de Stamford Bridge, pasou polo Newcastle, o Feyenoord e, agora, é entrenador dos Anxeles Galaxy, o ex-equipo de David Beckham, presidido por Alexei Lalas.

¿Sabías qué?: Na sua época no Milan, popularizaronse unhas gorras que levaban engadidas unhas rastas de pega, para que os hinchas puideran levar o look do seu ídolo.
- A ese Milan, entrenado por Sacchi, coñeceselle como o Milan dos holandeses. Ademáis de Gullit, xogaban cos rossoneri Marco Van Basten e o ex-entrenador do Barça, Frank Rijkaard. Algunhas teorías apuntan a que a moda que surxiu entre os hinchas do fútbol de porse no campo as cazadoras 'bomber' o revés (co reverso laranxa visible), naceu en San Siro, como homenaxe dos tifosi do Milan os tres holandeses (a selección dos Países Baixos, como ben saberedes, viste desa cor).
- Cando gañou a FA Cup co Chelsea en 1997, convertiuse no primeiro entrenador non británico en gañala.
- Xogou de defensa, de medio e de dianteiro.
- Era un experto rematador de cabeza.
- Marcou un dos goles da final da Eurocopa do 88. Foi de cabeza. E era o capitán da sua selección.
- Está actualmente casado cunha sobriña de Johan Cruyff, Estelle. É a sua terceira esposa. Coas tres tivo dous fillos (é dicir, que ten seis, dous nenos e catro nenas).
- Escribiu, en 1998, a sua autobiografía.
- Seu pai naceu en Surinam (Panamaribo), de orixe, polo tanto, americano como outros compañeiros de selección aínda que doutra época como Seedorf ou Kluivert.
- Sua nai era limpiadora no Rijksmuseum ou Museo Nacional de Amsterdam.
- Chegou a coincidir con Cruyff nas filas do Feyenoord de Rotterdam na tempada 83-84.

- Comentou partidos do último mundial para a cadea ITV e colabora con Sky News nos partidos de Champions.
- Foi elixido en 1987 Futbolista Europeo do Ano e dedicoullo a Nelson Mandela. Cando en Italia lle preguntaron quén era ese tal Mandela, el contestou que era "un futbolista con inquietudes políticas". Anos despois, cando Mandela saiu do cárcere, encontrouse con Gullit e dixolle: "Ruud, teño moitos amigos agora. Cando estaba no cárcere, ti eras un dos poucos que tiña".

Biografía, palmarés, estatísticas: Ruud Dil Gullit naceu o 1 de setembro de 1962 en Amsterdam. Comezou xogando no Haarlem do seu país. Do 82 o 85 xogou no Feyenoord, para pasar despois polo PSV Eindhoven. En 1987 fichouno o Milan, onde pasou seis anos. Logo foise a Sampdoria de Xénova. Tras volver o Milan e de novo a 'Samp', marchou a Inglaterra en 1995, onde xogou no Chelsea ata a sua retirada. Coa 'oranje' xogou 66 partidos e meteu 17 goles. O seu palmarés (collede aire): Tres ligas holandesas, unha Copa holandesa, tres ligas, tres supercopas e unha copa italiana, unha FA Cup, duas Copas de Europa, duas Supercopas Europeas e duas Copas Intercontinentais. E a todo isto, sumamoslle a Eurocopa do 88. Aí é nada.