KARANKA

Volvo presentarvos no blog un ex xogador do Real Madrid. Este é un dos da mellor época recente do clube branco, na que como antaño, volveron reinar en Europa. Sen facer ruido, estivo un lustro no clube de Chamartín, un lustro de grandes éxitos, que o converteron nun xogador moi coñecido dentro e fora de España. É un futbolista que se retirou fai pouco. Sen máis dilación, pasovos a falar de Aitor Karanka.

¿Quén era?: Un defensa español que destacou nos 90.

¿Por qué se lle recorda?: Por formar parte do Madrid que conseguiu gañar tres Ligas de Campións (a séptima, a oitava e a novena).

¿Qué foi del?: Retirouse no 2006 nas filas do Colorado Rapids da MLS. Na actualidade é o seleccionador español sub-16.

¿Sabías qué...?: Seu irman David é tamén futbolista, pero o contrario que Aitor, é dianteiro. Xogou no Murcia ou no Sporting de Xixón e agora xoga no Sant Andreu.
- So xogou un partido coa selección española. Foi en abril de 1995 ante Armenia, en Erevan (Armenia 0-2 España).
- Xogou seis partidos coa selección de Euskadi.
- Saiu da canteira de Lezama. Debutou no primeiro equipo xunto a Julen Guerrero (que é case da sua quinta).

- Cando chegou a Colorado, a Euskal Etxea ou casa rexional vasca de Colorado brindoulle unha calurosa benvida. No seu partido de debut ondearon as ikurriñas.
- Das tres finais de Champions que conseguiu o Madrid na sua época, so xogou na de 2000 (contra o Valencia). Na de 2002 (contra o Bayer Leverkusen) estivo convocado pero non xogou. Na de 1998 non foi convocado.
- O pouco de chegar o Madrid detectouselle un problema cardíaco que o mantivo alonxado dos terreos de xogo.
- O primeiro equipo do Athletic subiuno o alemán Jupp Heynckes. Cinco anos despois, chegou o Madrid da man do propio Heynckes.
- So meteu catro goles en Primeira División, os catro co Athletic.
- Competiu por España na Olimpiada de Atlanta 96.

Biografía, palmarés, estatísticas: Aitor Karanka de la Hoz naceu en Vitoria o 18 de setembro de 1973. Nos seus comenzos xogou no Corazonistas e no Alavés, ata que se incorporou a disciplina do Athletic de Bilbao. Debutou en 1992 no primeiro equipo, ata 1997, cando fichou polo Madrid. En 2002 regresou o Athletic e no 2006 emigrou a Estados Unidos e ese mesmo ano retirouse. O seu palmarés é excelente. Ten unha Liga española, duas Supercopas de España, tres Ligas de Campións, unha Intercontinental e unha Supercopa de Europa. Coa selección, como vos dicía, xogou un so partido.

DONATO

O futbolista que vos traio hoxe é un dos máis entrañables xogadores que pasaron pola liga española. Un deses que se fan querer polas afeccions, polos compañeiros e polos contrincantes polas suas boas formas. Sempre cunha sorrisa na cara, hoxe traiovos a Donato Gama Da Silva.

¿Quén era?: Un futbolista hispano-brasileiro dos 80 e os 90.

¿Por qué se lle recorda?: Pola sua lonxevidade como futbolista, pois retirouse os 41 anos, polo seu bo humor e, sobre todo, por aquel famosísimo anuncio do libro de autoaxuda Forza para vivir.

¿Qué foi del?: Trala sua retirada, en 2003, adicase a ser ministro da Igrexa Universal do Reino de Dios (onde os membros deportistas son chamados Atletas de Cristo, como Kaká ou Baltazar). Está traballando para abrir unha escola de fútbol para nenos en Brasil e colaborar co Deportivo da Coruña.

¿Sabías qué...?: Se nacionalizou español e debutó coa absoluta no 94, na clasificación para a Eurocopa do 96.
- O día do seu estreno, en Sevilla ante Dinamarca, marcou un gol. Marcaría outros dous máis con España.

- De pequeno vendeu paraugas en Río de Xaneiro e de xove foi cerralleiro.
- Era coñecido como o Avo nos seus últimos anos de carreira.
- No seu primeiro pasaporte español houbo un erro coa fecha do seu nacemento. En vez de nado no 62, o pasaporte decia que nacera no 52, polo que houbo certa polémica sobre a sua idade.
- Foi o segundo xogador máis vello que xogou na Liga Española. Superouno o valencianista Amedeo Carboni.
- Nalguns campos de fútbol cantabanlle con sorna "Donato dame forza, forza pa vivir".

Biografía, palmarés, estatísticas: Donato Gama da Silva naceu en Río de Xaneiro, Brasil, un 30 de decembro de 1962. Comezou a xogar no Vasco de Gama en 1980. No 88 chegou a España, as filas do Atlético de Madrid, onde estivo catro anos nos que gañou duas Copas do Rei. En 1992 marchou o SuperDepor e alí permaneceu 11 anos. Cos galegos gañou duas Copas do Rei, unha Liga e tres Supercopas de España. Coa Selección Española xogou 12 partidos.

PD: Donato é membro dunha Igrexa Evanxélica Bautista na Coruña. É dicir, a Igrexa de Martin Luther King e o ex-presidente e premio nobel Jimmy Carter, entre outras personalidades ilustres. Baltazar e Michael Chang, quen tamén son cristianos evanxélicos ou "protestantes". A Igrexa Universal do Reino de Dios en cambio, moi extendida en Brasil, é un movemento sincretista, autóctono e de recente creación, que non está vinculado os movementos cristianos históricos. Tampouco ten nada que ver con este movemento a organización "Atletas de Cristo", que é unha entidade evanxélica-protestante ben recoñecida en Brasil e moitos outros países pola sua labor de asistencia espiritual os deportistas de élite. Tal é o caso de Donato, Baltazar, Kaká e outros moitos.

Na actualidade, ademáis de formar parte do equipo de veteranos do Depor, e da selección española de fútbol-praia, Donato pasa as suas horas xogando o Golf, desfrutando da sua familia, e ocupado en distintos negocios.

Foi o primeiro xogador negro da historia da selección española en xogar. Nos anos 60 houbo un que estivo convocado nalguns partidos pero non chegou a debutar, o guineano Miguelito Jones (ollo, pronúnciese como sona en galego, non "Yons" como se diría en inglés). Aínda que curiosísimo, sen embargo sí se lle pode considerar campión de Europa en España 64, porque estivo convocado nalgun dos partidos desa Eurocopa.